Силва за неговата иднина на „Стемфорд Бриџ“: Претпочитам да…

Тиаго Силва веќе влезе во 40 година од својот живот, но тој и понатаму игра на високи ниво носејќи го дресот на премиерлигашот Челси.

Тој беше стартер на сите мечеви на „сините“ во Премиер лигата во оваа сезона што доволно говори за неговата улога, но останува отворено дали ќе остане на „Стемфорд Бриџ“ и по 2024 година кога му завршува актуелниот договор.

Бразилецот се поврзува со преселба, враќање во татковината во клубот од кој ја започна кариерата (Флуминенсе), меѓутоа засега се останува отворено и тој не сака да се обрзе и каже дека ќе дојде во Флумененсе затоа што тоа е одлука која треба да ја донесе со целото семејство.

-Оваа врска трае долго време, ама претпочитам да молчам во овој момент, бидејќи веќе имаше некои контроверзии во блиското минато.

-Сега имам семејство, имам деца. Затоа, треба да размислиме и за овој аспект. Да ги видиме работите кои можат да ни донесат среќа, да ја завршиме оваа убава и успешна кариера за која верувам дека сум ја постигнал, -порача дефанзивецот за „Глобо Еспорте“.