Силва размислува за крај на кариерата: Не е лесно…

Ветеранот Тиаго Силва и во оваа сезона игра значајна улога во премиерлигашот Челси каде е стандарден во срцето на одбраната иако веќе влезе во 40. година од животот.

Силва е голем професионалец и секогаш дава се од себе како во досегашното фудбалско патување, меѓутоа и на него му е јасно дека се ближи крајот, па токму оваа сезона може да биде и последната во кариерата.

Договорот со Челси му завршува во јуни и за Бразилецот се отворени сите опции, па и оставање на копачките.

-Се ближи крајот на мојата кариера и тоа не е едноставна работа. Морам да размислам дали ќе престанам или ќе продолжам и каде ќе одам: тука е семејството, имам два сина кои играат во Челси.

-Во моментов ја користам оваа можност да играм и да извлечам максимум од последната година од мојот договор со Челзи. Но, јас сум многу среќен и горд на кариерата што ја имав, на она што го правам сега на 39 години, -порача ветеранот.