Силјановски: Тимската хемија ќе биде силно оружје на Работнички

Тимот на Работнички веќе неколку денови е во Охрид каде ја одработува главната фаза од подготовките за новата натпреварувачка сезона.

Капитенот на екипата, Горан Силјановски е задоволен како течат подготовките и притоа смета дека нивното единство, тимската игра ќе бидат главно оружје во кампањата 2020/2021.

-Условите во Охрид се прекрасни. Тренираме во пеколно темпо по два пати на ден. Тимската хемија е на завидно ниво и ништо не ни изгледа тешко и невозможно. Токму тоа единство во тимот верувам ќе биде наше силно оружје сезонава. Полека влегуваме во завршната фаза од подготовките и низ тест средби треба да ја доведеме формата до завидно ниво, -истакна Силјановски кој даде коментар за победата на пријателскиот натпревар со Пелистер (2-0).

-Секоја победа е добра за ветар во грб на екипата, но мене како капитен ме радуваше играта и пристапот во мечот. Во Охрид ќе одиграме уште две контролни средби со Шкендија и со Тиквеш, па ќе имаме уште две можности да видеме до каде сме со подготовките, -рече капитенот за официјалниот клупски сајт.