Силекс се намачи против Скопје, но освои три бода во Кратово

Третиот круг во Првата македонската фудбалска лига беше отворен со еден натпревар ова саботно попладне, а истиот се играше во Кратово меѓу екипите на Силекс и Скопје.

Домашниот тим влезе како фаворит за освојување на трите бода, но гостите направија се за да го оневозможат тоа и им успеваше до 15 минути пред крајот.

Скопје пружи силен отпор и се врати по почетната негатива, меѓутоа прими два гола во самата завршница и тоа беше пресудно за нов пораз во домашниот шампионат.

Катаниќ го отвори резултатот рано во 9-та минута и најави добро попладне за кратовчани, но Скопје не се откажа и во првиот дел му беше поништен еден сомнителен гол.

Резултатот сепак се менуваше на стартот на вториот дел кога Хајдари израмни на 1:1, а овој гол беше активен до 74-та минута кога Ѓорѓиевски од втор обид погоди за 2:1. Истиот играч беше стрелец и на последниот гол во судиското продолжение за конечни 3:1.