Си заминува од Ѓорче: Бразилецот Лемос нема повеќе да го носи дресот на Македонија ЃП

Екипата на Македонија Ѓорче Петров минатиов викенд го освои Купот на Македонија или поточно го одбрани трофејот во ова натпреварување и со тоа обезбеди излез во Европа за наредната сезона.

Само неколку дена по тој резултат, клубот од западната скопска населба го објави првото заминување-тоа е офанзивецот Матеус Лемос.

Лемос беше дел од „лавовите“ во изминативе две години во кои двапати имаше можност да се израдува на титулата во Купот.

Во минатава кампања одигра 29 средби во ПМФЛ на кои даде 1 гол и запиша 6 асистенции. Кога е во прашање натпреварувачката 2021/2022 тој имаше учинок од 2 гола и 8 асистенции на 29 натпревари.