Швјонтек се утеши со бронзен медал на Олимписките игри

Ига Швјонтек како трикратна последователна шампионка на Ролан Гарос го напаѓаше златото на Олимписките игри во Париз, но по вчерашниот шок кој го доживеа од Женг, денеска мораше да бара утешна награда.

Тенисерката од Полска не можеше да ги собере емоциите и се расплака откако остана на дофат од борбата за злато, меѓутоа успеа да се прибере и денеска да го освои првиот медал во кариерата.

Во „малото финале“ на женскиот турнир, Швјонтек не и даде никаква шанса на Ана Каролина Шмиедлова, бидејќи за точно еден час ја заврши својата работа.

Ига победи со 6:2 и 6:1 и ја осигура бронзата за својата Полска, медал кој сепак ќе и донесе барем мала сатисфкација после вчерашното разочарување.

Финалето во женска конкуренција се игра утре, а за златото ќе се борат Женг од Кина и Векиќ од Хрватска.