Шведска со „40-ка“ го потврди четвртфиналето на ОИ

Селекцијата на Шведска со стил ја заврши првата фаза на ракометниот турнир на Олимписките Игри, убедлива победа над Јапоонија со 40:27.

Швеѓаните како да фаќаат ритам по скромниот почеток, па така во претходната рунда ја разбија Хрватска, а денеска лесно се справија и со Јапонија за потврда на пласманот во четвртфиналето.

Четата на Солберг имаше јасна поставена цел и веќе во првото полувреме одигра цврста одбрана над незгодните „самураи“ на кои им дозволи само 9 голови, односно по 30 минути создаде предност од 16:9.

Во вториот дел попушти одбраната на викинзите, ама нападот беше уште посилен за убедливо славје од 13 разлика.

Готфридсон со пет гола го предводеша победникот, додека кај Јапонија се истакна Сугиока со девет погодоци.