Шварцман за совршениот сегмент од играта на Федерер: Се што сакате можете да направите

Најдобриот аргентински тенисер, Диего Шварцман го посочи најдобриот сегмент од играта на Рожер Федерер кој сака тој да го има како играч.

Шварцман кој е на 13 место на АТП листата сака да го има сервисот на Федерер кој за него не е најсилниот, но е најмајсторскиот во светот на тенисот.

-Би го задржал сервисот на Федерер. Со тој сервис можете на направи се што сакате при вториот удар. Неговиот сервис е соврешен, не е најсилен, ама е мајсторски. Со втората топка можете да правите што сакате, -вели Шварцман кој воедно откри кој меч би сакал да го повтори ако може да се врати во минатото.

-Би се вратил повторно да одиграм против Надал на Ролан Гарос. Тој меч го загубив, ама имаше прекин поради дожд. Тогаш играв многу добро, -вели Диего кој тоа осминафинале во Париз го загуби во четири сета.