Поврзете се со нас

Лига на нации

Швајнштајгер по историскиот потоп на Германија: Имам само едно прашање до селекторот Лев

Објавено

на

blank

Бастијан Швајнштајгер беше еден од темелите на германскиот состав кој ја освои титулата на Светското фудаблско првенство пред шест години, а како играч кој остави длабока трага во германскиот фудбал, легендарниот играч за врска сега си даде за право да му постави едно директно прашање на селекторот.

Повод за вакво нешто беше историскиот дебакл кој го доживеаја „панцирите“ на гостувањето во Севилја, натпревар кој Германците сигурно нема брзо да го заборават, со оглед на тоа што беа декласирани со неверојатни 6:0 во Лигата на нации.

Шпанија и одржа фудбалска лекција на Германија и си обезбеди билет за Ф4 турнирот во Лигата на нации, натпреварување во кое Германија втора година по ред се посрамоти и доживеа тешки порази.

– Може да се загуби од Шпанија која е голем тим, но не смее да се загуби 6:0 и на ваков начин. Една германска фудбалска селекција не смее да игра на ваков начин, ова беше понижувачки, – изјави легендарниот Швајни како експерт за „АРД“.

– Имам само едно прашање до националниот селектор и неговиот тим. Тие имаат свое мислење, но моето е поразлично од нивното. Играчи како Боатенг и Милер ја освоија триплетата, играат во најдобриот тим во Европа и се стандардни стартери. Исто така, тоа се германски фудбалери, моето прашање е следно: Зошто не се во репрезентацијата?, – запраша Швајнштајгер кој со оваа изјава ја започна својата кампања за враќање на играчи кои поседуваат голем квалитет.

Реклама
Реклама
Реклама

Популарни