Швајцарија ја победи Србија со кош во последната секунда (Видео)

Швајцарската кошаркарска репрезентација ја изненади Србија во натпревар од квалификациите за Европското првенство, победувајќи во драматична завршница со резултат 92:90.

На натпреварот кој се играше во Финска, Србите иако без најголемите ѕвезди, важеа за големи фаворити на оваа средба, но Швајцарците со колективна игра се снајдоа одлично на теренот.

Оваа селекција водеше со 49:45 на полувреме, одржуваше предност и до финишот, но во него Србија дојде до 90:90 и напад за победа. Избраниците на Игор Кокошков ја загубија топката, а во последната секунда, Душан Млаѓан постигнува поени за конечни 92:90 за Швајцарија.

Марко и Душан Млаѓан со 18, односно 16 поени беа најефикасни во победничката селекција, додека кај Србија најефикасен бил Аврамовиќ со 23 поени.

Во групата Е, во која играат овие две селекции, Србите неочекувано имаат два пораза и само една победа, додека за Швајцарците ова беше прв триумф.