Шумахер: Тоа е неверојатно, Ферстапен губи милион долари по трка

Макс Ферстапен и понатаму е во одлична позиција да ја одбрани титулата во Ф1 шампионатот, но од друга страна е повеќе од јасно дека Ред Бул не е повеќе доминантен и дека конкурентите се до него, па и побрзи што прави да имаме интересен финиш на сезоната

Овој викенд се вози трката за Големата награда на Сингапур, а пред истата интересен коментар за Ферстапен имаше некогашниот возач Ралф Шумахер кој во изминатиов период е актуелен со тоа што откри дека е хомосексуалец.

-Макс губи милион долари на секоја трка на која не победува. Тоа е неверојатно. Тој беше одличен минатата година, победувајќи на 19 од 23 трки. Сега е во неволја бидејќи работите не одат добро на спортски план.

-Ништо не е сигурно, иако Макс е најплатен возач. Мислам дека се уште го влече спортскиот мотив и ако нешто не се подобри, мислам дека ќе го напушти Ред Бул, -порача Шумахер.