Штербик се исповеда: Вардар ми го приреди најтешкиот момент

Арпад Штербик на исклучително необичен и непосакуван начин мораше да означи крај на својата кариера, од едноставна причина што кризата со коронавирусот го оневозможи да го каже последното „збогум“ на ракометот од местото кое му доликува, односно теренот.

Легендарниот голман засега ќе мора да почека и за проштален меч кој повеќе од веројатно ќе му го организира Веспрем, клуб во кој самиот реши да ја заврши кариерата со оглед на тоа што таму започна неговото европско ракометно патешествие.

Во овие изминати 30-тина дена, Штербик во неколку интервјуа имаше можност да ја сумира својата кариера исполената со безброј трофеи, но сега правејќи интервју ексклузивно за официјалната страна на Веспрем, ги издвои најсреќниот и најтажниот момент во унгарскиот великан.

– Работата која прва ми паѓа на памет е финалето во Лигата на шампионите од 2002-ра година против Магедбург. Тоа беше најсреќен момент, тоа беше прва моја европска сезона и беше неверојатно да се стигне до финалето, – порачува Штербик кој исто така признава дека минатогодишниот пораз од Вардар се уште не може да го преболи, без оглед на тоа што доживеа неверојатни моменти во Скопје.

– Се уште се свежи спомените од минатата година. За жал поразот во финалето со Вардар е најтешкиот момент, – призна Арпад.