Шпански репрезентативец за интересот од Реал: Ќе одговорам на повикот…

Реал Мадрид има проблеми со повредени играчи и има одредени најави дека клубот ќе биде активен на пазарот во зимскиот преоден рок.

„Кралевите“ дефинитивно ги загубија Едер Милитао и Дани Карвахал за оваа сезона, има доста прашања околу состојбата на Давид Алаба, а недостапни поради повреди се и Васкез, Чуамени…играчи кои не се дефанзивци, ама помагаат кога е потребно.

Сето ова прави Реал да разгледува опции за одбранбената линија, а едно име кое некое време се споменува е Емерик Лапорт кој настапува во Ал Наср. Тој е шпански репрезентативец, има големо искуство, 30 години и дефинитивно би можел да помогне во период од неколку години.

Лапорт е свесен за информациите кои кружат, па запрашан за истите даде краток коментар.

-Секако дека би одговорил на повикот на Реал Мадрид, не можете да игнорирате такви клубови. Убаво е да се види како ве поврзуваат. Не сум толку информиран за тоа, но секако е убаво, -рече Лапорт кој е поранешен играч на Атлетик Билбао и Манчестер Сити.