Шпански прволигаш „заборавил“ 15 фудбалери на аеродром

Лас Палмас утре има гостување кај Севилја во шпанското првенство, а делегацијата на овој клуб доживеала непријатен момент при денешното патување за Мадрид.

Фудбалерите и останатите членови на делегацијата на Лас Палмас требало со авионски лет преку Мадрид, подоцна да се упатат кон Севилја, но 15 фудбалери и 2 физиотерапевти останале на аеродромот на Канарските Острови.

Причината било тоа што 17-те клупски членови наводно тргнале по кафе, но залутале на аеродромот, а кога стигнале на соодветниот гејт, тој веќе бил затворен, а авионот се подготвувал за полетување.

Лас Палмас ја призна грешката и го потврди траги-комичниот инцидент, потенцирајќи дека сите кои останале на аеродромот, ќе отпатуваат во Севилја со друг лет.

Натпреварот утре се игра од 18:30 часот, а невообичаено Севилја го пречекува како екипа залепена на дното на табелата.