Шпанската селекторка обвинета дека лажела уште на првата прес-конференција

Шпанија неодамна стана светски шампион во женска фудбалска конкуренција, но периодот потоа донесе многу потреси и повлекување на претседателот на федерацијата, кој пак претходно му врачи отказ на селекторот Хорхе Вилда.

Монце Томе е дамата која доби шанса да биде наследничка на Вилда, но се посрамоти уште на првата прес-конференција.

Томе зборувала за најавениот бојкот на репрезентативките и истакнала дека разговарала со сите и тие потврдиле дека ќе се појават по повикот за следните обврски.

Но, стигнаа деманти од самите членки на шпанската репрезентација, кои велат дека не добиле таков повик и воопшто немаат разговарано со Томе, ниту пак и потврдиле дека ќе ја прифатат поканата.

Репрезентативките кои победија на мундијалот решија да го бојкотираат националниот тим барајќи сериозни промени во односот на федерацијата кон женскиот фудбал, при што оставката на претседателот Луис Рубиалес не е доволен чекор за помирување.

Според последните информации, дел од репрезентативките кои штрајкуваат се појавиле на првиот собир, но само за да избегнат суспензија и продолжуваат со своите барања.

🚨 𝗢𝗙𝗜𝗖𝗜𝗔𝗟 | La RFEF nombra a @montse_tome nueva seleccionadora nacional femenina.

La asturiana será la primera mujer en ostentar el cargo y se estrenará en septiembre en la #NationsLeague ante Suecia y Suiza.

ℹ️ https://t.co/fAlqVyWwvD #JugarLucharYGanar pic.twitter.com/vG4BtbGjAP

— RFEF (@rfef) September 5, 2023