Шпанската Федерација ја откри комуникацијата меѓу судијата Сото Градо и ВАР за спорниот пенал на Атлетико (Видео)

Големото дерби меѓу Реал и Атлетико заврши без победник и со мирољубиви 1:1, но во целата тензија на теренот се вклучи и ВАР, бидејќи токму судиската корекција од подтрибинскиот простор направи гостите да добијат пенал по 35 минути игра.

Де Бургос Бенгочеа како одговорен во ВАР собата го повика Сесар Сото Градо да прегледа една спорна ситуација меѓу Чуамени и Лино, односно му приложи едно нагазнување од францускиот репрезентативец.

Шпанската Федерација веќе подолго време ги споделува сите аудио комуникации за спорните ситуации и тоа не е исклучок по големото дерби, па сега цела јавност дозна каква била комуникацијата меѓу ВАР и главниот судија за пеналот на Атлетико.

– Сесар, ти препорачувам да прегледаш можен пенал. Кога ќе бидеш пред мониторот, ќе зборуваме за тоа, – му вели Бенгочеа на Сото Градо, по што продолжува.

– Ова е акцијата, ја имам „замрзнато“, но не се гледа баш најдобро. Ќе ти покажам и друг агол кој остава многу појасна слика. Сега ќе ти прикажам агол кој покажува дека има нагазнување. Еве го тука………, – додава Бенгочеа, по што се јавува главниот судија на теренот.

– Го нагазнува со крампоните….. Ќе досудам пенал, но нема да покажам жолт картон. Пенал во корист на Атлетико Мадрид, – возвраќа Сото Градо, по што Бенгочеа ја завршува конверзацијата со зборот „перфектно“.

Видеото погледнете го ТУКА