Шпанија и со играч помалку ја разби Швајцарија, Роналдо влезе и донесе победа за Португалија (ВИДЕО)

Репрезентацијата на Шпанија пред неколку дена не се прослави на гостувањето кај Србија во Белград, но вечерва покажа друго лице и ја разби Швајцарија со 4-1 на соочувањето во Женева.

„Црвената фурија“ од 20 минута играше со играч помалку по исклучувањето на Ле Норман, ама тоа не беше проблем да дојде до посакуваниот резултат.

Хоселу, Руиз (2) и Торес беа стрелци за актуелниот европски првак, додека Амдуни погоди за домаќините кои по првите две кола се на дното во групата со гол разлика од минус пет.

Португалија пак потешко од очекувањата ја доби Шкотска со 2-1 и тоа со голот кој резервистот Роналдо го постигна во 88 минута.

Хрватска пак со 1-0 ја доби Полска, додека Шведска очекувано беше подобра од Естонија со 3-0.

Лука во елемент: Модриќ со ремек дело го „запали“ Осијек (ВИДЕО)