Поврзете се со нас

Европски првенства

Шпанија ги неутрализираше амбициозните Данци и ќе се бори за трета последоветална европска титула

Објавено

на

Фото: twitter.com/RFEBalonmano

Ракометната репрезентација на Шпанија останува во игра за трето европско злато по ред, а за такво нешто се избори по големата победа над фаворизираната Данска со 29:25.

Данците беа во многу поповолна позиција и речиси без проблеми со составот, но и покрај добриот старт, во вториот дел не можеа да се снајдат со одличната одбрана на актуелниот европски првак.

Данска на полувреме водеше со 14:13, но Шпанците ја преземаа резултатската контрола во вториот дел, на голот го имаа расположениот Перез де Варгас (14 одбрани), а во нападот вистински предводници беа на Кањелјас и Абељо.

Крилото на Барселона постигна 11 голови, додека Кањелјас го заврши дуелот со 7 погодоци, а кај Данците повторно најефикасен беше Хансен со 8 голови.

Шпанија со денешниот успех стигна до четвртото финале по ред на европските првенства и во недела ќе се бори за трето злато во серија. Противник ќе биде подобриот од дуелот Франција-Шведска.

Реклама
Реклама
Реклама

Популарни