Шпанија е симната од тронот, Шведска по две децении е број еден во Европа

Репрезентацијата на Шведска е победник на 15. Европско ракометно првенство кое од 13 јануари до денеска се одржуваше во Унгарија и Словачка.

Швеѓаните во големото финале славеа над Шпанија со 27-26 и тоа со голот на Екберг по звукот на сирената. Имено Канелјас направи пенал по што одговорноста ја презема Екберг кој го надмудри Перез Де Варгас и со тоа и ја донесе првата титула на својата селекција, нација по пауза од две децении.

Со ова скандинавците воедно ја симнаа „црвената фурија“ од тронот на европскиот ракомет со оглед на тоа што последните два континентални собири во 2018 и 2020 им припаднаа на Шпанците.

Играч на натпреварот беше голманот Паличка кој запиша 11 одбрани и даде 1 погодок.

🏆 RESULT: @hlandslaget 🇸🇪 are #ehfeuro2022 CHAMPIONS! They beat @RFEBalonmano 🇪🇸 27:26 as Niclas Ekberg scores a penalty after the buzzer. Andreas Palicka is the @grundfos Player of the Match, with 11 saves and one goal 🙌 pic.twitter.com/V3tuLTNpvL

— EHF EURO (@EHFEURO) January 30, 2022