Шпанците забележаа необична пенал-рутина на Ханси Флик: Ова не е новост, го практикувам уште од Баерн (Видео)

Барселона се намачи за да го победи разиграниот тим на Рајо Валјекано и како доволен се покажа само голот од пенал кој го постигна Роберт Левандовски, а прецизната реализација на Полјакот донесе и еден интересен момент.

Тимот од Каталонија не изведе многу пенали оваа сезона, па затоа на Шпанците им беше потребно малку повеќе време за да ја забележат необичната пенал-рутина на Ханси Флик.

Додека сите гледаа на голот на кој Левандовски изведуваше пенал, Ханси гледаше во голот кадешто беше Шчесни, па се сврте и се израдува дури кога ја слушна реакцијата од фановите.

Шпанските новинари за првпат го видоа Ханси во вакво издание, но тој ги увери дека оваа пракса ја негува уште од времето во Баерн.

– Секогаш гледам на другата страна кога изведуваме пенали. Тоа не е новост и го практикувам уште од Баерн. Најчесто ми помага и носи резултат, иако не баш секогаш, – изјави Флик.

Видеото погледнете го ТУКА