Шпанците ја открија конверзацијата меѓу Флик и главниот судија: Зошто би измислувале офсајд….. (Видео)

Ханси Флик по поразот од Реал Сосиедад во Сан Себастијан негодуваше за поништениот гол на Роберт Левандовски, ситуација која беше во најмала рака сомнителна поради замрзнатата слика која ја понуди ВАР системот.

Иако во телевизискиот пренос не изгледаше така, на подвлечената линија ногата на Левандовски беше поставена пред онаа на Агерд, па сето ова ги натера членовите на Барселона да се сомневаат во коректноста на одлуката која ја донесоа судиите.

Флик е тренер кој е познат по тоа што обично нема забелешки за судиските одлуки, но овојпат Германецот имал конверзација и до Квадра Ферднандес пред стартот на вториот дел.

Ханси веќе откри дека лично му порачал на судијата дека поништиле чист гол за непостоечка офсајд ситуација, а сега медиумите доловија и каков одговор добил од главниот арбитар.

– Ти велиш дека не е офсајд…. Што можам да направам јас. За тебе не е офсајд бидејќи е против твојот тим. Ако ВАР вели дека е офсајд, тогаш е офсајд. Зошто би измислувале офсајд? Слушни ме, зошто би измислувале офсајд?, – му вели Фернандес на очигледно незадоволниот Флик.

Видеото погледнете го ТУКА