Шпанците доминираа во Скопје, Македонија ги отвори квалификациите со пораз од фаворитот во групата

Македонската кошаркарска репрезентација не успеа да го изненади фаворитот Шпанија и ги започна квалифкациите за СП 2023 со пораз на домашен терен (65:94).

Шпанците по првиот период водеа со 14:21, а до крајот на полувремето веќе имаа двоцифрена предност (30:41), со која најавија позитивен исход за себе на гостувањето во Скопје.

Третиот период го потврди победникот, за на крајот Шпанија да слави со убедливи 65:94 и очекувано да биде на врвот на табелата во квалификациската група.

Младиот Тео Симиќ беше најдобар реализатор во нашата селекција со 18 поени, Вајли постигна 10, додека Робев реализираше 9 поени.

Во шпанскиот состав, Сима постигна 17, додека Лопез-Аростеги уфрли 15 поени во кошот на македонската селекција.