Шоу на ветеранот: Суарез „експлодираше“ со три асистенции и мајсторски погодок за победа на Интер Мајами (ВИДЕО)

Интер Мајами и без услугите на Лионел Меси кој беше поштеден од тренерот Хавиер Маскерано оствари победа над Хјустон од 4-1 во МЛС лигата, прва во оваа натпреварувачка кампања.

Во центарот на вниманието беше ветеранот Луис Суарез кој директно учествуваше во сите четири погодоци на составот од Флорида. Поранешниот уругвајски репрезентативец забележа три асистенции, а во 79 минута и постигна гол во свој стил за потврда на одличното издание.

Во наредното коло Интер Мајами ќе го дочека Шарлот, ама претходно има обврска во Купот на шампионите во Конкакаф.