Шортс со МВП издание за паметење ја урна големата Барса!

Париз го оправдува статусот на вистинска сензација на стартот на новата сезона во Евролигата, додека Ти-Џеј Шортс од коло во коло потврдува дека во моментов е еден од најдобрите играчи во европската кошаркарска елита.

Македонскиот репрезентативец уште еднаш беше најдобар поединец во својот тим, само два дена по извонредното издание кое го имаше против Жалгирис.

Шортс против Литванците постигна 21 поен, но вечерва беше уште посензационален, бидејќи покрај 24-те постигнати поени, запиша и 9 асистенции за 25 минути минати на паркетот.

Извонредниот плејмејкер беше играч број еден на гостувањето во Каталонија и ја урна големата Барселона, или поточно беше лидер во историската победа за Париз со резултат 87:103.

Со шестата победа во низа, Париз ја мина Барса на табелата во Евролигата и францускиот тим сега е на делба на второто место, бидејќи подобар скор на победи и порази има само Фенербахче (8:2).

Покрај Шортс, извонреден со 20 поени беше и Маодо Ло, Хифи уфрли пет помалку, додека во поразенит тим најефикасен беше Паркер со 19 поени.

T’as compris ? pic.twitter.com/udvc7BhdJz

— Paris Basketball (@ParisBasketball) November 15, 2024