Шортс постигна клучни поени, Париз му зема мерка на Партизан (ВИДЕО)

Партизан продолжува да бележи лоши резултати во кошаркарската Евролига каде во осмото коло го доживеа шестиот пораз и тоа на гостувањето во Франција кај Париз.

Средбата во француската престолнина беше драматична и неизвесна до самиот крај, домаќините подобро се снајдоа во завршницата и обезбедија славје од 74:71. Еден од хероите на Париз беше македонскиот репрезентативец Ти-Џеј Шортс кој реализираше клучни поени кога беше најпотребно или поточно на 22 секунди реализираше две слободни за предност од 72:71.

Потоа „црно-белите“ не искористија два шута по што Јантунен преку две слободни стави точка на сите дилеми.

Хифи со 17 поени беше прв стрелец, зад него беше Шортс со 13 кошеви, но и 8 асистенции. На другата страна Џоунс беше автор на 20 поени.

На другите две средби Црвена Звезда ја потврди фаворитската улога со Алба Берлин (92:71), а Баерн Минхен беше подобар од Жалгирис со 77:74.

Димитријевиќ го одигра најдобриот меч во Евролигата, „кралевите“ на колена во Милано