Шортс по триумфот во Гевгелија: Се чувствувам како Македонец

Ти-Џеј Шортс уште еднаш потврди дека е големо засилување за македонската кошаркарска репрезентација и вечерва имаше клучен ефект во драматичниот триумф над Данска.

Избраниците на Алек Јончевски имаа многу проблеми со скандинавскиот ривал, па откако најпрвин изборија продолжение, во него успеаја да ја заверата победата.

Шортс постигна 33 поени и беше најефикасен на теренот, а по средбата во Гевгелија го истакнал одличниот прием, односно атмосфера од македонските фанови.

– Им благодарам на сите во публиката кои ни дадоа дополнителен ветер, а ние се оддолживме со играта.

– Се чувствувам како дома, како Македонец, благодарен сум на ваквата поддршка, – ја пренесува изјавата на Шортс, официјалната интернет страницата на кошаркарската федерација.

Македонија ја победи Данска со 74:71 и останува непоразена во групата од претквалификациите за ЕП.