Шортс имаше МВП партија, Асвел ја прекина победничката серија на Париз

Кошаркарите на Асвел издвојуваа победа над Париз од 98:93 во француското дерби во Евролигата.

Домаќините беа мотивирани и одиграа квалитетен меч во кој покажаа дека се незгодни во својот дом, арена и потврда за тоа е што ова беше четврто славје во низа во Лион. Двата клуба се поделија во две четвртини, Асвел беше подобар во парните, а гостите од Париз во непарните четвртини со таа разлика што првите беа за нијанса поефикасни, поубедливи во своите периоди.

Лидер беше Маледон со 22 поени, 5 скока и 7 асистенции, најголема поддршка му беше Ндиаје со 19 кошеви.

На другата страна македонскиот репрезентативец Ти-Џеј Шортс имаше МВП партија од 29 поени, 3 скока, 8 асистенции, 2 украдени топки, 10 фаули над него или севкупно имаше индекс на корисност од 41.

Со овој резултат заврши серијата од десет победи на Париз во Евролигата.