Шортс и Париз ја освоија и Пиреја, Милано на Димитријевиќ во победнички ритам (ВИДЕО)

Ти-Џеј Шортс и Париз се незапирливи во Евролигата, натпреварување во кое дојдоа до десеттата победа во низа и тоа на тешкото гостување во Пиреја кај Олимпијакос.

Францускиот претставник иако беше притиснат во последната четвртина успеа да одговори за конечно славје од 96:90 и останување на лидерската позиција. Македонскиот репрезентативец Шортс одново имаше блескаво издание со 21 поени на кои придодаде 8 скока со 3 асистенции, а голема работа заврши и Хифи кој заврши со 20 кошеви.

LES DEUX MAINS ENTIÈRES ON VA FAIRE COMMENT MAINTENANT ? pic.twitter.com/9FEPApYGGN

— Paris Basketball (@ParisBasketball) December 6, 2024

Фурние кај поразените беше број еден со 25 поени.

Ненад Димитријевиќ и неговите колеги од Олимпија Милано исто се во посакуван ритам во Евролигата, а потврда за тоа се петте славје во серија од кои последното беше над Асвел со 92:84.

Двата состави поделија по две четвртини, ама оние кои им припаднаа на избраниците на Месина беа изразени со поголема разлика. Миротиќ и Ледеј стандардно беа во прв план со по 17 поени. Нашиот Нено беше најдобар асистент (5) и реализираше 4 поени за 20 минути на паркетот.

Маледон испорача 24 поени за Асвел.

Црвена Звезда пак беше подобра од Виртус во Болоња, Монако сосема очекува ја надигра Алба Берлин.