Шортс го одведе Париз на врвот, Асвел го шокираше Реал во последната секунда (Видео)

Француските клубови Париз и Асвел имаа одличен настап во Евролигата, па првите се искачија на врвот на табелата со рутинска победа над Макаби, додека Асвел го шокираше Реал Мадрид во драматична завршница.

Ти Џеј Шортс повторно беше најдобар поединец на натпревар на Париз во најпрестижното европско натпреварување и со 22 поени и 8 асистенции го водеше тимот до десетта победа сезонава.

Париз победи со 81:93 како гостин и ги искористи киксовите на ривалите, со што е единствен тим со ефект 10:3 и е на првото место на табелата.

Асвел пак се израдува на поништените поени на Кампацо, а во последниот напад искористи 2,4 секунди за да реализира преку Ли и да предизвика ерупција во својата сала, со победата 80:78.

Paris Lee hits a game-winner against Real Madrid pic.twitter.com/1QHxXAzFMa

— Donatas Urbonas (@Urbodo) December 3, 2024

Маледон со 23 и Ли со 13 поени биле најефикасни кај домаќинот, додека Хезоња со 19 поени бил најдобар реализатор во редовите на Реал.

Партизан го победи Жалгирис на домашен терен (84:78), во натпревар на кој домаќините го контролираа резултатот во финишот, додека Панатинаикос славеше во дербито против Барселона (80:79).

Басконија го победи Фенербахче (88:76), додека Анадолу Ефес беше поуспешен од Баерн со резултат 101:90.