Шортс доминираше, Бон ќе се бори за пехарот во ЛШ (ВИДЕО)

Македонскиот репрезентативец, Ти-Џеј Шортс и неговиот Телеком Бон обезбедија пласман во големото финале на Лигата на шампионите на ФИБА.

Германскиот претставник успеа да направи изненадување и во полуфиналето во Малага славеше над домаќинот на завршниот турнир Уникаха со 69-67.

Шпанскиот клуб важеше за огромен фаворит, навивачите направија фантастична атмосфера, меѓутоа шоуто го украдоа Шортс и компанија кои се изборија за славје со кое можат да испишат историја (прв трофеј), поточно до тоа ги дели само триумф над Хапоел Ерусалим.

Ти-Џеј доминираше и беше прв стрелец со 21 поен на кои надополни 1 скок, 7 асистенции и 2 украдени топки.

Кај поразените Пери, Еџим и Бризуела реализираа по 12 кошеви.

Финалето меѓу Бон и Хапоел Ерусалим кој го води поранешниот македонски селектор Александар Џикиќ е закажано за в недела од 20 часот.