Шортс блескаше против европскиот великан Жалгирис, Париз е сензација во Евролигата (Видео)

Париз е вистинска сензација на стартот на новата натпреварувачка сезона во Евролигата, статус кој го оправда и со вечерашното издание на крајот од деветтото коло.

Оваа рунда беше затворена со дуел меѓу Париз и Жалгирис во „Адидас Арената“, каде домашните играчи предводени од Ти-Џеј Шортс го урнаа и познатиот литвански великан.

Жалгирис бркаше резултат во текот на целиот меч и Париз минимално ги доби воведните три четвртини, додека во последната се предодреди на одржување на предноста.

Шортс блескаше со сиот свој репертоар и се истакна со извонредни влезови во карактеристичен стил, но погоди и две тројки од три обиди.

Македонскиот репрезентативец беше најдобар играч на паркетот и го заврши мечот со 21 поен и 6 асистенции, учинок со кој беше најзаслужен за победата од 83:77.

Поддршка доби и од Малком кој запиша 17 поени зад своето име, па така тие двајцата беа најважен фактор во петтата последователна победа во Евролигата за тимот од француската престолнина.

Blink and you’ll miss it… ⚡️💨@TjShorts5 slicing through the defense for an easy two! 💥#SKWEEKlive pic.twitter.com/rchTNl7iya

— SKWEEK (@skweektv) November 13, 2024