Шола со жесток коментар за хрватските фанови: Очигледно сме шминкери, а не вистински навивачи

Светското ракометно првенство годинава се одржува во Хрватска, Данска и Норвешка, но тоа не значи дека атмосферата во салите во сите три земји е на исто ниво.

За разлика од ситуацијата во скандинавските земји, арената во која настапува Хрватска знаеше да биде празна и тоа во зависност од противникот.

Тоа се повтори на дуелот со Зеленортските Острови, што предизвика многу негативни коментари во хрватската јавност, а најдиректниот напад дојде од поранешниот репрезентативец Владо Шола. Во улога на стручен коментатор, Шола испратил јасна порака до своите сонародници.

– Не ми се верува дека како кодомаќини на СП имаме ваков проблем.

– Ова се гледа и на телевизија, жал ми е што луѓето немаат чувство за бодрење на репрезентацијата и на таканаречените неважни натпревари.

– Очигледно сме шминкери, а не вистински навивачи, – рекол Шола.

Хрватите вечерва играат дерби со Исланд, а потоа се среќаваат со соседот Словенија, па се очекува повторно полна арена на овие натпревари.