Шок за Французинот: Вембенјама ја завршува сезоната поради невообичаен проблем! (Фото)

Виктор Вембејнама имаше можност да се дружи со најголемите НБА ѕвезди на Ол-стар викендот кој се одржа во Сан Франциско, но на крајот испаѓа дека ова е последниот голем настан од кој ќе биде дел од крајот на сезоната.

Шокантните вести кои пристигнуваат од Америка откриваа еден несекојдневен и невообичаен проблем кој му бил утврден на импресивниот француски кошаркар, на кого му е препорачано целосно мирување во догледен период поради пронајдена длабока венска тромбоза во десното рамо.

Деталните лекарски прегледи утврдиле проблем кој бара целосно мирување од професионален спорт, па талентираниот Вемби сега ќе мора да ја направи првата голема пауза во НБА кариерата.

Угледниот новинар Шемс Чаранија ја пренесе ексклузивната вест која истовремено е шокантна, а со повеќе детали се очекува да излезе Сан Антонио во најскоро можно време.

Вембенјама оваа сезона на 46 натпревари имаше просек од 24,3 поени, 11 скокови и 3,7 асистенции, што беше само продолжение на импресивениот старт во НБА каде лани беше избран за руки на сезоната.

San Antonio Spurs All-Star Victor Wembanyama is expected to miss reminder of the season with a deep vein thrombosis in right shoulder.

— Shams Charania (@ShamsCharania) February 20, 2025