Шок во Њујорк: Алкарас се лизна уште во второто коло

Карлос Алкарас доживеа неочекуван пораз уште во второто коло на тенискиот грен-слем Ју Ес Опен и ќе мора да почека за нов посакуван трофеј во својата кариера.

Шпанецот утринава е изненаден од холандскиот ривал Ботик ван де Зандшулп, кој го доби мечот со 3:0 во сетови и на многу убедлив начин стави крај на настапот на Алкарас на турнирот во Њујорк.

Ван де Зандшулп го доби првиот сет со 6:1 и најави дека е на пат да ја оствари најголемата победа во кариерата, па го комплетираше подвигот со 7:5 и 6:4 во наредните два сета.

Ова е најголемо изненадување досега на годинешново издание на Ју Ес Опен, кое сега остана без третиот носител.

За разлика од Алкарас, Данил Медведев немаше големи проблеми и со 3:0 во сетови го совлада Унгарецот Марошан.