Шок во Манчестер: Ретклиф го „шутна“ засилувањето од Њукасл по само пет месеци! (Фото)

Манчестер Јунајтед минува низ големи турбуленции и по целосната смена во раководната структура во клубот, па слободно може да се каже дека првите месеци под водство на Сер Џим Ретклиф се исто така конфузни како и последните неколку години.

Британскиот бизнисмен реши да прави целосна реконструкција во раководството и ангажираше луѓе од доверба, а покрај тоа што го ангажираше Омар Берада од Манчестер Сити, во текот на летото го донесе и Дан Ешворт од редовите на Њукасл со платена отштета од околу 3 милиони фунти.

Оперативецот на Њукасл беше назначен за нов спортски директор на Манчестер Јунајтед, но после само пет месеци, лошата комуникација и големата разлика во замислите направи да дојде до сензационален расплет.

Ретклиф многу брзо воочил дека не може да пронајде заеднички јазик со директорот за спортскиот проект, па така ова претпладне пристигна информација дека соработката е завршена.

Во соопштението на Јунајтед се вели дека одлуката е заеднички донесена, но поупатените медиуми како „Би-Би-Си“ информираат дека оваа одлука за отказ му била соопштена на Ашворт уште вчера по поразот од Нотингем Форест на „Олд Трафорд“.

Dan Ashworth will be leaving his role as Sporting Director of Manchester United by mutual agreement.#MUFC

— Manchester United (@ManUtd) December 8, 2024