Шок на сезоната: Меси и Интер Мајами елиминирани во првото коло на МЛС плејофот (Видео)

Екипата на Атланта Јунајтед направи вистински подвиг и веројатно најголемо изненадување во историјата на плејофот на МЛС, победувајќи на мајсторката против Интер Мајами (2:3), елиминирајќи го тимот предводен од Лионел Меси и уште неколку други големи фудбалски имиња.

Екипата која доминираше во регуларниот дел од сезоната и беше прв фаворит за титулата во таканаречениот МЛС куп, утринава доживеа тежок пораз на домашен терен и многу порано од очекувањата го заврши настапот во најважното натпреварување.

Рохас донесе водство за домаќините во 17. минута, но Атланта покажа дека ќе биде проблематичен противник со пресвртот во 19 и 21. минута, за израмнување да донесе Меси во 65. минута и тоа со гол со глава.

Решавачкиот момент се случи во 76. минута, кога полскиот интернационалец Бартон Слич ги постави конечните 2:3, испраќајќи ги Меси, Суарез, Бускетс, Алба и останатите на подолг одмор од очекуваниот.

ATLANTA PULL OFF ONE OF THE BIGGEST UPSETS IN MLS HISTORY TO ADVANCE ‼️ MIAMI ARE ELIMINATED IN THE FIRST ROUND ‼️ pic.twitter.com/YaEo9VaX5D

— Major League Soccer (@MLS) November 10, 2024