Шок на преполниот „Вембли“: „Динамитот“ Дубоа го патосираше Џошуа во британскиот блокбастер (Видео)

Боксерскиот блокбастер во Велика Британија меѓу Антони Џошуа и Даниел Дубоа предизвика огромно внимание во јавноста, но наспроти сите најави на експертите и букмејкерите, доцна во сабота вечерта видовме огромно изненадување на „Вембли“.

„Динамитот“ Дубоа приреди голем шок на распродадениот стадион на кој имаше рекордни 96 илјади фанови, бидејќи со својот агресивен пристап од првата рунда успеа да го патосира големиот фаворит за победа во оваа борба.

Дубоа влезе максимално офанзивно во секој поглед и дури четири пати го нокдаунираше Џошуа, пред да дојде самиот крај во петтата рунда кога Антони повторно се најде на подот.

На две минути пред крај на рундата, судијата Маркус МекДонел му одброја десет секунди на разнишаниот Џошуа, кој во дадената ситуација не можеше ниту да застане на нозе од неколкуте тешки удари кои ги доби од сонародникот.

За Дубоа ова е најголема победа во неговата кариера, а 27-годишникот на овој начин ја одбрани својата ИБФ титула во тешка категорија.

DANIEL DUBOIS HAS KNOCKED OUT ANTHONY JOSHUA!!! WHAT A PERFORMANCE!#JoshuaDubois #Boxingpic.twitter.com/By8gbt42rT

— Championship Rounds (@ChampRDS) September 21, 2024