Шмајхел со директна порака до фановите: Ако го сакате Јунајтед…

Легендарниот голман на Манчестер Јунајтед, Петер Шмајхел, повторно ја анализирал ситуацијата во клубот и испратил јасна порака до фановите на премиерлигашот.

Слабите резултати ја разнишаа довербата во Ерик тен Хаг, но Данецот смета дека клубот и секој што го сака мора да застане зад менаџерот.

– Ова е време кога мора да бидеме обединети и да застанеме зад менаџерот, да му овозможиме да го надмине овој период.

– Не сме ја освоиле Премиер лигата по заминувањето на Алекс Фергусон, некои менаџери ќе кажат дека имале добри резултати, но факт е дека не го развија тимот и не го одведоа во подобра позиција. Резултат на тоа е ова што го гледаме денеска.

– Ако го сакаме Јунајтед, мора да застанеме зад него, на дуелот со Њукасл нашите фанови пееја дека ќе биде отпуштен следниот ден, но тоа не е начин на кој се дава поддршка за нашиот клуб.

– Сите во светот зборуваат за тоа дека Манчестер Јунајтед не игра на потребното ниво, ако беше некој друг клуб, немаше да добие толку многу простор и во медиумите. Ако сме на врвот на светот во однос на актуелноста, тоа не е лошо. Но, тоа бара и голема ментална сила кај тренерите и фудбалерите во насока на надминување на ситуацијата, – вели Шмајхел.