Шмајхел пред емотивна разделба со Лестер, се сели во друго првенство

Каспер Шмајхел е пред емотивна разделба со Лестер и неговите фанови, напуштајќи го клубот по дури 11 години.

Данскиот голман на 35-годишна возраст решил да прифати нов предизвик и наредните години ќе го чува голот на Ница.

Шмајхел се наметна како еден од најдобрите голмани во Премиер лигата, а беше и дел од генерацијата која ги шокираше великаните и ја освои титулата под водство на Клаудио Раниери.

Ница ќе плати симболични 1 милион евра за потписот на Данецот, а тој се обврзал на тригодишна верност кон францускиот прволигаш.

Шмајхел има 284 настапи во Премиер лигата, а на 83 од нив не примил гол.

Искусниот голман ќе му се приклучи на Арон Рамзи, уште еден искусен фудбалер кој потпиша за Ница изминатиот период.