Шмајхел го нападна искусниот бек на Тен Хаг: Приоритет треба да му биде Јунајтед, а не Англија

Лук Шо последен пат настапи за Манчестер Јунајтед во месец февруари, но и покрај тоа, тој беше дел од англискиот тим кој го освои сребрениот медал на Европското првенство.

Не само што беше дел од тимот, Лук Шо дури и настапи во завршната фаза од турнирот, но сега кога повторно требаше да му се стави на располагање на Тен Хаг, левиот бек повторно се пожали на повреда.

Дефанзивецот во најмала рака ќе ги пропушти првите три кола во Премиер лигата, а константите отсуства од тимот сега го натераа Питер Шмајхел да испорача остри зборови кон еден од најискусните во тимот.

– Лук Шо последен пат играше за Јунајтед во февруари, но и покрај тоа отиде на Европското првенство. Сега се врати во Јунајтед и повторно е повреден. Тој е толку важен за тимот, но не игра веќе долго.

– Тој има искуство и станува збор за топ класа, но Јунајтед премалку може да смета на него. Тој е играч на Манчестер Јунајтед и треба да му даде приоритет на Јунајтед. Ние сме тие кои го плаќаме. Треба да се фокусира на Јунајтед, а не на Англија, – порача Шмајхел.