Шкупи запрен во Кавадарци, Гостивар ја потврди кризата на Брера

Составот на Шкупи не успеа да ја продолжи победничката серија во Првата македонска фудбалска лигата или поточно мораше да се задоволи само со бод во соочувањето со Тиквеш во Кавадарци.

Поранешниот македонски првак влезе во овој дуел со три триумфи во низа и со желба да дојде до четвртата, меѓутоа немаше сили за тоа и одигра само 1-1 со Тиквеш кој секогаш е незгоден ривал кога игра пред своите гледачи.

Двата гола паднаа во првиот дел, првиот беше дело на Спахиу, вториот на Воша.

АП Брера пак е во сериозна криза и тоа го потврди Гостивар кој славеше во Струмица со голот на Кехинде во 15. минута.

Струмичани се без триумф од месец август и притоа имаат дадено само еден гол и тоа против Силекс.

Во другите пресметки Брегалница го доби Работнички со 2-1, а Воска Спорт славеше со Македонија Ѓорче Петров со 2-1.