Шкупи ги почна подготовките и се раздели со четворица фудбалери (Фото)

Поради ремито со Гостивар, Шкупи остана без првото место на табелата по првиот дел од сезоната во Првата македонска фудаблска лига, но и покрај тоа, клубот од Чаир има сериозна намера да ја врати титулата во Скопје.

Шампионот од 2022-ра година ја отвори новата година со прв собир во текот на денешниот ден и на истиот отсуствуваа фудбалерите кои слават Божиќ, но од друга страна, клубот им се заблагодари и на четворица фудбалери кои нема да бидат дел од првиот тим во вториот дел од сезоната.

Бразилецот Куевен нема да го гледаме повеќе во Првата лига откако му истече договорот со Шкупи, но клубот предвреме ги прекинал договорите и на Нилтињо, Хоџиќ и Абази.

Во официјалното соопштение, Шкупи им се заблагодари на четворицата за залагањето и им посака среќа во идните авантури, но истовремено најави активност за пополнување на нивните места.

– Најавуваме дека во наредните денови ќе започнеме со претставување на нови струи во клубот, со кои се надеваме дека уште повеќе ќе ја зголемиме конкуренцијата во првиот тимот за највисоки можни достигнувања, – гласи завршната реченица од соопштението на Шкупи.