Шкриниар: Добро знам како треба да се игра против Милан

Милан и ПСЖ вечерва одново ќе ги одмерат силите во реванш дербито во групната фаза во Лигата на шампионите, натпревар на кој „росонерите“ ќе бркаат прва победа и први три бода.

ПСЖ славеше на средбата во Париз пред две недели со убедливи 3:0 и со голема самодоверба допатува во Италија, а причина плус за максимална верба во себе има Милан Шкриниар кој добро го познава теренот на кој ќе истрча оваа вечер.

Поранешниот стопер на Интер водеше жестоки битки со „росонерите“ на стадионот во Милано, па смета дека тој може да им помогне на соиграчите да се ослободат од притисокот кој ќе го има на стартот.

– Добро знам како е да се игра тука и знам како да се соочам со овој противник. Сум играл тука и како гостински играч, бев дел од многу дерби пресметки и секогаш најважно е да останете фокусирани.

– Знаев дека нема да ми биде лесно со промената која ја направив со ПСЖ, но среќен сум и имам голема самодоверба. Ми се допаѓа стилот на игра на Луис Енрике, има многу енергија и висок пресинг, планот е тоа да го повториме и против Милан, – изјави Шкриниар.