Европски првенства

Шкотска ја урна Шпанија, Хрватска ја освои Бурса (ВИДЕО)

Објавено

на

28 март, 2023

Од

Репрезентацијата на Шкотска направи изненадување и ја совлада Шпанија со 2-0 во средбата од групата А во квалификациите за Европското првенство.

Шпанците беа непрепознатливи на оваа средба, односно може да се каже дека Шкотлаѓаните дојдоа и до рутински триумф со оглед на тоа колку безопасни беа избраниците на Де Ла Фуенте.

Играч на натпреварот беше членот на Манчестер Јунајтед, МекТоминеј кој ги постигна двата гола. Првиот го даде во 7 минута, додека вториот го реализираше во 51 минута.

Хрватска пак во Бурса ја реши домашната Турција со 2-0. По киксот со Велс, четата на Далиќ покажа зошто на последните два мундијали освојуваше медали, па дојде до славје со головите во првиот дел на Ковачиќ.

На другите дуели Косово не најде начин да ја совлада Андора (1-1), Романија беше подобра од Белорусија (2-1), Швајцарија од Израел (3-0), додека пак Мур донесе славје за Велс против Летонија.