Шкендија се засили со хрватски лев бек пред стартот на сезоната

Неполни десетина дена пред почетокот на првенството во Првата македонската фудаблска лига, клубовите се уште ги составуваат своите официјални ростери, па така вечерва Шкендија потврди уште едно летно засилување.

Клубот од Тетово продолжи да го засилување својот тим и сега е ангажиран фудбалер кој игра на левата бековска позиција, а кој во минатото бил младински репрезентативец на Хрватска.

Се работи за Антонио Павиќ кој има 25 години, дефанзивецот кој пристигнува во Тетово од редовите на Железничар, клуб кој беше последен во низата од неговата интернационална кариера.

– Дојдов во Шкендија бидејќи бев запознат со амбиците на клубот, а тоа се редовни победи и шампионската титула во домашното првенство.

– Ова е голем клуб во Македонија кој се бори да игра во Европа и тоа ме привлече. Мислам дека во Шкендија ќе можам да направам чекор напред во кариерата, – изјави 25-годишниот фудбалер.