Шкендија се избори за триумф на жешкиот терен во Велес

Лидерот во домашниот фудбалски шампионат Шкендија со победа и три бода се враќа од денешното гостување во Велес кај Борец во рамките на 15. коло.

Составот од Тетово се избори за славје од 2-0 со тоа што треба да се напомене дека домаќините се прикажаа во добро светло, се бореа максимално и ако беа пофокусирани во завршницата на акциите ќе можеа да дојдат и до позитивен резултат.

„Црвено-црните“ поведоа во 25 минута преку голот на Ибраими од пенал, потоа во вториот дел имаше спорни моменти на двете страни за да во 84 минута Дориев го постави конечниот резултат.

Ова за Шкендија е 9 победа и сега има 33 бода на своето салдо или пет повеќе од најблискот конкурент Шкупи кој се соочува со Пелистер во Битола.

Борец е на четвртото место, но таа позиција може да ја загуби во зависност од утрешните средби во ПМФЛ.