Шкендија им се врати на победите, Гостивар спасуваше бод против АП Брера

Голот на Ибраими беше доволен за победа на Шкендија над Пелистер, со што тетовскиот клуб не дозволи нова грешка во првенството и ќе ја задржат лидерската позиција во Првата македонска фудбалска лига.

Домаќините го скршија отпорот на Пелистер во 73. минута, а до крајот ја задржаа минималната предност, вредна три бода.

Струга исто така славеше со минимални 1:0 во дуелот со Воска Спорт, но голот го постигна уште подоцна, во 88. минута, кога по една несигурна интервенција на гостинскиот голман, Малески ја затресе мрежата на локалниот ривал за конечни 1:0.

Гостивар не успеа да ја победи екипата на АП Брера, на натпревар на кој домаќините израмнија во 87. минута и така спречија поголемо изненадување.

Фенерџијата Беса по подолго време оствари победа и тоа како гостин кај Шкупи.

Подоцна започна натпреварот меѓу Силекс и Вардар.

Шкендија-Пелистер 1:0
Струга-Воска Спорт 1:0
Шкупи-Беса 2:3
Гостивар-АП Брера 2:2