Шкендија го обезбеди потписот на голманот Јанков

Поранешниот македонски шампион Шкендија го обезбеди потписот на 26-годишниот голман Ристо Јанков.

Јанков ги мина сите младински категории на македонската репрезентација, беше дел и од сениорската репрезентација, додека на клупско ниво бранеше за неколку клубови на домашната сцена Работнички, Локомотива, Брегалница Штип и Тиквеш од каде доаѓа во Тетово.

-Среќен сум што се приклучувам на голем клуб како Шкендија. Ова е важен предизвик за мене и ќе дадам се од себе за да му помогнам на тимот да ги постигне своите цели, -порача Јанков кој со „црвено-црните“ потпиша едно ипол годишен договор.

Инаку Ристе може да се пофали и со интернационално искуство, ангажмани во Казахстан во Каспиј и Романија во Политехника Јаши.