Шкендија го доби дербито, Работнички им се врати на победите во ПМФЛ

Фудбалерите на Шкендија ја продолжија позитивната серија и се зацврстија на првото место на табелата по денешната победа во дербито со Силекс (4:2).

Денеска е комплетирана новата рунда во Првата македонска фудбалска лига со пет натпревари, а дуелот во Тетово очекувано привлече најмногу внимание, за на крајот да донесе победа за домашниот состав.

Силекс рано успеа да поведе, но не и да ја задржи предноста, Шкендија стигна до 3:1, а во финишот одговори на вториот гол на кратовци со својот четврти, кој беше доволен да се потврди важниот триумф.

Работнички по поразот претходното коло, денеска ја совлада Воска Спорт со минимални 1:0. Голот на Рушевиќ беше доволен за славје на „романтичарите“ и актуелно второ место на табелата.

Беса и Гостивар одиграа без голови, додека како гости славеа Шкупи и Пелистер и тоа на дуелите со АП Брера и Тиквеш.

Шкендија-Силекс 4:2
Работнички-Воска Спорт 1:0
АП Брера-Шкупи 1:2
Тиквеш-Пелистер 1:2
Беса-Гостивар 0:0

Табела: Шкендија 43, Работнички 40, Гостивар 39, Силекс 38