Шкендија договори пет пријателски до стартот на сезоната

Екипата на Шкендија додека се подготвува на Маврово го објави планот, поточно договорените пријателски мечеви до стартот на сезоната и секако настапот во квалификациите во Лигата на Европа.

Клубот од Тетово договори пет теста од кои само еден ќе го одигра на домашен терен и тоа против Работнички на 24 јули. „Црвено-црните“ ќе започнат со дуел со Вардар Форино кој ќе се одигра во недела, потоа на 16 ќе се соочи со Гостивар, а на 19 со Македонија ЃП во Маврово секако ако се биде во ред со „лавовите“ во чиј табор има позитивни случаи на КОВИД-19.

Генерлната проба Шкендија ќе ја има во Штип на 1 август против екипата на Брегалница.